પ્રાથમિક શાળા વાડાના મુખ્ય શિક્ષકને જિલ્લા પંચાયત નવસારીનું ઉત્કૃષ્ઠતા પ્રમાણપત્ર જિલ્લા પંચાયત નવસારી દ્વારા શિક્ષણ ક્ષેત્રે ઉત્કૃષ્ઠ કામગીરી બદલ પ્રાથમિક શાળા વાડા, તાલુકો નવસારીના મુખ્ય શિક્ષક શ્રી વિશાલસિંહ દૌલતભાઈ રાઠોડને વર્ષ ૨૦૨૫–૨૬ માટે ઉત્કૃષ્ઠતા પ્રમાણપત્રથી સન્માનિત કરવામાં આવ્યા છે. વર્ષ ૨૦૨૫–૨૬ દરમિયાન શ્રી રાઠોડે શિક્ષણ ક્ષેત્રે નિષ્ઠાપૂર્વક, ખંતપૂર્વક તથા નવીન અભિગમ સાથે કામગીરી કરી નવસારી જિલ્લાની શૈક્ષણિક પ્રગતિમાં નોંધપાત્ર યોગદાન આપ્યું છે. વિદ્યાર્થીઓના સર્વાંગી વિકાસ, શૈક્ષણિક ગુણવત્તામાં સુધારણા તેમજ વિવિધ શૈક્ષણિક અને સમાજોપયોગી કાર્યક્રમોના સફળ અમલમાં તેમનો ફાળો પ્રશંસનીય રહ્યો છે. આ ઉત્કૃષ્ઠ કામગીરી બદલ જિલ્લા પંચાયત નવસારીના જિલ્લા વિકાસ અધિકારી શ્રીમતી પુષ્પલતા મેડમના હસ્તે તેમને ઉત્કૃષ્ઠતા પ્રમાણપત્ર આપી સન્માનિત કરવામાં આવ્યા હતા. આ પ્રસંગે આવનારા સમયમાં પણ તેઓ આવી જ નિષ્ઠા, સમર્પણ અને ઉત્સાહ સાથે કાર્ય કરી સમાજ તથા શિક્ષણ ક્ષેત્રે સતત યોગદાન આપતા રહેશે તેવી શુભેચ્છા વ્યક્ત કરવામાં આવી હતી. આ પ્રસંગે નવસારી જિલ્લા પ્રાથમિક શિક્ષક સં...
વાડ મુખ્ય પ્રાથમિક શાળા પી.એમ.શ્રી-ગુજરાત ખાતે શાળા કક્ષાનું ભવ્ય ગણિત-વિજ્ઞાન પ્રદર્શન યોજાયું
બાળકોમાં રહેલી વૈજ્ઞાનિક જિજ્ઞાસાને પ્રોત્સાહન આપવા અને ગણિત જેવા વિષયને રસપ્રદ બનાવવાના હેતુસર, નવસારી જિલ્લાના ખેરગામ તાલુકા સ્થિત વાડ મુખ્ય પ્રાથમિક શાળા પી.એમ.શ્રી-ગુજરાત ખાતે તા. ૨૪-૧૨-૨૦૨૫ ને બુધવારના રોજ એક ભવ્ય **‘ગણિત-વિજ્ઞાન પ્રદર્શન’**નું આયોજન કરવામાં આવ્યું હતું. આ કાર્યક્રમ શિક્ષણ વિભાગના અધિકારીઓ, સંઘના હોદ્દેદારો અને ગ્રામજનોની બહોળી ઉપસ્થિતિમાં સંપન્ન થયો હતો.
કાર્યક્રમની શરૂઆત આમંત્રિત મહેમાનો દ્વારા દીપ પ્રાગટ્ય કરીને કરવામાં આવી હતી. આ પ્રસંગે કાર્યક્રમના અધ્યક્ષસ્થાને અને મુખ્ય મહેમાનો તરીકે તાલુકા પ્રાથમિક શિક્ષણાધિકારી સાહેબશ્રી (TPEO) અને બીટ નિરિક્ષક શ્રી પ્રશાંતભાઇ ખાસ ઉપસ્થિત રહ્યા હતા. શાળા પરિવાર અને SMC વતી તેમનું ઉષ્માભર્યું સ્વાગત કરવામાં આવ્યું હતું.
આ ઉપરાંત, સંગઠન અને સમાજના અગ્રણીઓ પણ બાળકોનો ઉત્સાહ વધારવા હાજર રહ્યા હતા. જેમાં SMC અધ્યક્ષ શ્રી દિનેશભાઇ, તાલુકા પ્રાથમિક શિક્ષક સંઘના પ્રમુખ શ્રી દિવ્યેશભાઇ, જિલ્લા સંઘના સહમંત્રી શ્રી ધર્મેશકુમાર, જિલ્લા સંગઠન મંત્રી શ્રી મનોજભાઇ અને ગૃપ મંત્રી શ્રી વિમલભાઇ, તાલુકા પ્રા. શિ. સંઘ ના માજી પ્રમુખ શ્રી ફ્તેસિંહ ભાઇ એ પોતાની વિશેષ ઉપસ્થિતિ નોંધાવી હતી. SMC ના સભ્યો અને વાલીઓ પણ મોટી સંખ્યામાં જોડાયા હતા.
પ્રદર્શનનું મુખ્ય આકર્ષણ શાળાના બાળવૈજ્ઞાનિકો દ્વારા રજૂ કરવામાં આવેલી કૃતિઓ હતી. ધોરણ ૧ થી ૮ ના વિદ્યાર્થીઓને શાળાની શિક્ષિકા બેનશ્રી કીર્તિદાબેન અને શિક્ષકો દ્વારા કુલ ૨૬ જેટલી વિવિધ કૃતિઓ (મોડેલ્સ) તૈયાર કરવામાં આવી હતી. આ કૃતિઓમાં પર્યાવરણ જાગૃતિ, ગણિતના જટિલ કોયડાઓનો સરળ ઉકેલ, સોલાર એનર્જી, જળ સંચય અને આધુનિક ટેકનોલોજી જેવા વિષયોને આવરી લેવામાં આવ્યા હતા.
તાલુકા પ્રાથમિક શિક્ષણાધિકારીશ્રી અને બીટ નિરિક્ષક શ્રી પ્રશાંતભાઇએ દરેક ટેબલની મુલાકાત લીધી હતી અને બાળકો સાથે પ્રશ્નોત્તરી કરી તેમની સમજણ શક્તિની કસોટી કરી હતી. બાળકોએ પણ આત્મવિશ્વાસ સાથે પોતાની કૃતિઓનું નિદર્શન કર્યું હતું. તાલુકા સંઘ પ્રમુખ શ્રી દિવ્યેશભાઇ અને જિલ્લા સંગઠન મંત્રી શ્રી મનોજભાઇએ બાળકોની મહેનતને બિરદાવતા કહ્યું હતું કે, "પી.એમ.શ્રી ગુજરાત શાળાઓમાં થઈ રહેલા આવા નવતર પ્રયોગો આવતીકાલના ભારતનું નિર્માણ કરશે."
ગ્રામજનોએ પણ રસપૂર્વક મેળાની મુલાકાત લીધી હતી અને શિક્ષકોની મહેનતની પ્રશંસા કરી હતી. કાર્યક્રમના અંતે શ્રી ગોવિંદભાઇ આભારવિધિ કરી હતી. સમગ્ર કાર્યક્રમનું સંચાલન શાળાના સ્ટાફ દ્વારા ખૂબ જ સુદ્રઢ રીતે કરવામાં આવ્યું હતું. રાષ્ટ્રગીતના ગાન સાથે આ જ્ઞાનસભર કાર્યક્રમની પૂર્ણાહુતિ થઈ હતી.
Comments
Post a Comment