પ્રાથમિક શાળા વાડાના મુખ્ય શિક્ષકને જિલ્લા પંચાયત નવસારીનું ઉત્કૃષ્ઠતા પ્રમાણપત્ર જિલ્લા પંચાયત નવસારી દ્વારા શિક્ષણ ક્ષેત્રે ઉત્કૃષ્ઠ કામગીરી બદલ પ્રાથમિક શાળા વાડા, તાલુકો નવસારીના મુખ્ય શિક્ષક શ્રી વિશાલસિંહ દૌલતભાઈ રાઠોડને વર્ષ ૨૦૨૫–૨૬ માટે ઉત્કૃષ્ઠતા પ્રમાણપત્રથી સન્માનિત કરવામાં આવ્યા છે. વર્ષ ૨૦૨૫–૨૬ દરમિયાન શ્રી રાઠોડે શિક્ષણ ક્ષેત્રે નિષ્ઠાપૂર્વક, ખંતપૂર્વક તથા નવીન અભિગમ સાથે કામગીરી કરી નવસારી જિલ્લાની શૈક્ષણિક પ્રગતિમાં નોંધપાત્ર યોગદાન આપ્યું છે. વિદ્યાર્થીઓના સર્વાંગી વિકાસ, શૈક્ષણિક ગુણવત્તામાં સુધારણા તેમજ વિવિધ શૈક્ષણિક અને સમાજોપયોગી કાર્યક્રમોના સફળ અમલમાં તેમનો ફાળો પ્રશંસનીય રહ્યો છે. આ ઉત્કૃષ્ઠ કામગીરી બદલ જિલ્લા પંચાયત નવસારીના જિલ્લા વિકાસ અધિકારી શ્રીમતી પુષ્પલતા મેડમના હસ્તે તેમને ઉત્કૃષ્ઠતા પ્રમાણપત્ર આપી સન્માનિત કરવામાં આવ્યા હતા. આ પ્રસંગે આવનારા સમયમાં પણ તેઓ આવી જ નિષ્ઠા, સમર્પણ અને ઉત્સાહ સાથે કાર્ય કરી સમાજ તથા શિક્ષણ ક્ષેત્રે સતત યોગદાન આપતા રહેશે તેવી શુભેચ્છા વ્યક્ત કરવામાં આવી હતી. આ પ્રસંગે નવસારી જિલ્લા પ્રાથમિક શિક્ષક સં...
યુવાનોને તંબાકુ મુક્ત પેઢી તરફ દોરવા નવસારે જિલ્લામાં Tobacco Free Youth Campaign 2.0નો શુભારંભ કરાયો
યુવાનોને તંબાકુ મુક્ત પેઢી તરફ દોરવા નવસારે જિલ્લામાં Tobacco Free Youth Campaign 2.0નો શુભારંભ કરાયો
આ અભિયાન અંતર્ગત વિવધ જન જાગૃતિ કાર્યક્રમો જેમાં શાળા તમાકુ મુક્ત કાર્યક્રમ, તમાકુ મુક્ત ગામ કાર્યક્રમ, આકસ્મિક ચેકિંગ-ટાસ્ક ફોર્સ દ્વારા રેડ જેવી પ્રવૃતિઓ હાથ ધરાશે
-
નવસારી,તા.25: ભારત સરકાર દ્વારા શરુ કરેલ Tobacco Free Youth Campaign 2.0નું અભિયાનમાં યુવાનોને તંબાકુ મુક્ત પેઢી તરફ દોરવા અને ખાસ કરીને તંદુરસ્ત અને ઉજવળ ભવિષ્ય માટે પ્રોત્સાહિત કરવા માટેનું એક મજબૂત પગલું છે. તમાકું એ વ્યસનની દુનિયાનું પ્રથમ પગથિયું છે. ગ્લોબલ યુથ ટોબેકો સર્વે (GYTS) 2019 પ્રમાણે, ગુજરાતમાં 13-15 વર્ષની ઉંમરનાં લગભગ 5.4% વિદ્યાર્થીઓ તમાકુના કોઈપણ પ્રકારનો ઉપયોગ કરે છે. ગુજરાતના યુવાનોમાં સિગારેટ અને તંબાકુનો વધતો જતો ઉપયોગ ચિંતાનો વિષય છે. આ આંકડા દર્શાવે છે કે તંબાકુ સામેની લડાઈ હજી પૂર્ણ નથી થઈ. ખાસ કરીને યુવાનો, જે મિત્ર દબાણ, જાહેરાતો, અને તંબાકુ પ્રોડક્ટ્સની સરળ ઉપલબ્ધતા દ્વારા પ્રભાવિત થાય છે, તે સૌથી વધુ સંવેદનશીલ ગૃપ છે.
Tobacco Free Youth Campaign 2.0 એ COTPA 2003ને ધ્યાનમાં રાખીને મુખ્ય 4 વ્યૂહરચના પર આવનાર ૬૦ દિવસમાં કામ કરવાનું છે જેમાં નવસારી જીલ્લામાં આ વર્ષે કેમ્પેઇન અંતર્ગત ચાર પ્રકારની પ્રવૃત્તિઓ કરવામાં આવશે. જન જાગૃતિ કાર્યક્રમ, શાળા તમાકુ મુક્ત કાર્યક્રમ, તમાકુમુક્ત ગામ કાર્યક્રમ, આકસ્મિક ચેકિંગ-ટાસ્ક ફોર્સ દ્વારા રેડની કામગીરીનું આયોજન કરવામાં આવનાર છે. સાથોસાથ શાળા-કોલેજોમાં પણ વિવિધ કાર્યક્રમોનું આયોજન કરાયું છે.
આ કાર્યક્રમ અંતર્ગત આજ રોજ વિવિધ શાળાઓમાં સ્થાનિક પદાધિકારીશ્રીઓ તથા અધિકારીશ્રીઓ દ્વારા કાર્યક્રમનું ઉદઘાટન કરવામાં આવ્યું હતું. જેમા નવસારી જિલ્લામા ચીખલી તાલુકા રાકેશભાઈ પટેલ પ્રમુખશ્રી ચીખલી. અને ગણદેવી તાલુકામાં નગરપાલિકા પ્રમુખશ્રી ભાવેશભાઈ પટેલ અને ઉપપ્રમુખશ્રી ભાનુબેન પટેલ ગણદેવી નગરપાલિકા ઉપસ્થિત રહ્યા હતા.
Comments
Post a Comment