નવસારીનું ગુરુકુલ સુપા ગામ તિરંગાના રંગે દેશભક્તિમાં રંગાયું :

 નવસારીનું ગુરુકુલ સુપા ગામ તિરંગાના રંગે દેશભક્તિમાં રંગાયું :

નવસારીઃ બુધવારઃ ૧૫ મી ઓગસ્ટ સ્વાતંત્ર્ય પર્વ -૨૦૨૪ની ઉજવણી ના ભાગરૂપે " હર ઘર તિરંગા" કાર્યક્રમ અન્વયે દેશભક્તિ અને રાષ્ટ્રપ્રેમ ની ભાવના જાગૃત થાય તે હેતુસર દેશભરમાં હર ઘર તિરંગા અભિયાન અંતર્ગત રાષ્ટ્ર ભક્તિ માટે તિરંગા યાત્રા સહિતના કાર્યક્રમો યોજાઈ રહ્યા છે. જે અંતર્ગત સુપા ગ્રામ પંચાયતના ઉપક્રમે તિરંગા યાત્રા યોજવામાં આવી હતી. જેમાં સુપા પ્રાથમિક શાળા તથા ગુરૂકુલ વિદ્યામંદિર સુપા ના વિધાર્થીઓ તેમજ શાળા પરિવાર ના સભ્યો સાથે આંગણવાડી ની આશા વર્કર બહેનો, ગ્રામજનો જોડાયા હતા. દેશભક્તિ ના ગીતો અને ગુરુકુલ બેન્ડ ગ્રામજનોમાં આકર્ષણનું કેન્દ્ર બન્યું હતું આ તિરંગા યાત્રામાં સુપા ગ્રામ પંચાયતના સરપંચ શ્રી, તલાટી કમ મંત્રી શ્રી તથા પંચાયત સદસ્યો અને ગુજરાત ગુરૂકુળલ સભા ના કેમ્પસ ડાયરેક્ટર અને અન્ય સ્ટાફ જોડાયા હતા. તિરંગા યાત્રા ભૂતબંગલા થી નીકળી સુપાગામ ના મહોલ્લા ના મુખ્ય માર્ગ ઉપર પસાર થઈ હતી. તિરંગા યાત્રા ને લઈને વિદ્યાર્થીઓ સાથે ગ્રામજનોમાં અદભુત પૂર્વ ઉત્સાહ જોવા મળ્યો હતો. ભારતનો રાષ્ટ્રધ્વજ એકતા, અખંડિતતા ‌તથા રાષ્ટ્રીય ગૌરવ નું પ્રતિક છે.તે પ્રત્યેક ભારતીયો ની આકાંક્ષાઓ અને આશાઓ નું પ્રતિનિધિત્વ કરે છે. તિરંગા યાત્રામાં ગ્રામજનો, કર્મચારીઓ અને રાજકીય પક્ષના અગ્રણીઓ જોડાયા હતા. #HarGharTiranga #HarGharTirangaGuj