પ્રાથમિક શાળા વાડાના મુખ્ય શિક્ષકને જિલ્લા પંચાયત નવસારીનું ઉત્કૃષ્ઠતા પ્રમાણપત્ર જિલ્લા પંચાયત નવસારી દ્વારા શિક્ષણ ક્ષેત્રે ઉત્કૃષ્ઠ કામગીરી બદલ પ્રાથમિક શાળા વાડા, તાલુકો નવસારીના મુખ્ય શિક્ષક શ્રી વિશાલસિંહ દૌલતભાઈ રાઠોડને વર્ષ ૨૦૨૫–૨૬ માટે ઉત્કૃષ્ઠતા પ્રમાણપત્રથી સન્માનિત કરવામાં આવ્યા છે. વર્ષ ૨૦૨૫–૨૬ દરમિયાન શ્રી રાઠોડે શિક્ષણ ક્ષેત્રે નિષ્ઠાપૂર્વક, ખંતપૂર્વક તથા નવીન અભિગમ સાથે કામગીરી કરી નવસારી જિલ્લાની શૈક્ષણિક પ્રગતિમાં નોંધપાત્ર યોગદાન આપ્યું છે. વિદ્યાર્થીઓના સર્વાંગી વિકાસ, શૈક્ષણિક ગુણવત્તામાં સુધારણા તેમજ વિવિધ શૈક્ષણિક અને સમાજોપયોગી કાર્યક્રમોના સફળ અમલમાં તેમનો ફાળો પ્રશંસનીય રહ્યો છે. આ ઉત્કૃષ્ઠ કામગીરી બદલ જિલ્લા પંચાયત નવસારીના જિલ્લા વિકાસ અધિકારી શ્રીમતી પુષ્પલતા મેડમના હસ્તે તેમને ઉત્કૃષ્ઠતા પ્રમાણપત્ર આપી સન્માનિત કરવામાં આવ્યા હતા. આ પ્રસંગે આવનારા સમયમાં પણ તેઓ આવી જ નિષ્ઠા, સમર્પણ અને ઉત્સાહ સાથે કાર્ય કરી સમાજ તથા શિક્ષણ ક્ષેત્રે સતત યોગદાન આપતા રહેશે તેવી શુભેચ્છા વ્યક્ત કરવામાં આવી હતી. આ પ્રસંગે નવસારી જિલ્લા પ્રાથમિક શિક્ષક સં...
Valsad:વલસાડની જીએમઈઆરએસ મેડિકલ કોલેજ હોસ્પિટલમાં દર્દીઓ માટે રૂ. ૧ કરોડથી વધુના સાધનો અપાયા
ઉમરસાડી સ્થિત સ્કોટ પુનાવાલા, મુંબઈ દ્વારા સી.એસ.આર. અંતર્ગત વિવિધ જરૂરી સાધનો અપાતા દર્દીઓને સુદઢ સેવા મળશે
માહિતી બ્યુરોઃ વલસાડ, તા. ૨૩ જુલાઈ
વલસાડની જી.એમ.ઇ.આર.એસ. મેડિકલ કોલેજ હોસ્પિટલ ખાતે સારવાર અર્થે આવતા દર્દીઓને વધુ સારી સુવિધા મળી રહે તે માટે પારડી તાલુકાના ઉમરસાડી ખાતે ફેકટરી ધરાવતા SCHOTT POONAWALL, MUMBAI દ્વારા સી.એસ.આર. અંતર્ગત રૂ. ૧ કરોડથી વધુની કિંમતના સાધનો હોસ્પિટલમાં આપવામાં આવ્યા હતા. જેમાં અતિ ગંભીર દર્દીઓને સ્ફીટ કરવા માટે એડવાન્સ લાઇફ સપોર્ટ એમ્બ્યુલન્સ, રેડિયોલોજી વિભાગમાં ડિજિટલ રેડિયોગ્રાફી મશીન ડીજીટલ એક્સ-રે માટે જેને કારણે એક્સ-રેની ગુણવત્તા વધુ સારી થશે અને એક્સ-રે ની ફિલ્મ મેળવવાના સમયમાં ઘટાડો થશે અને કલર ડોપલર સોનોગ્રાફી મશીન કે જે હોસ્પિટલ ખાતે આવતા સોનોગ્રાફીના દર્દીઓના વેઇટીંગ ટાઇમમાં ઘટાડો થશે. ઓર્થોપેડિક વિભાગમાં સી-આર્મ મશીન મળતા હોસ્પિટલ ખાતે વધુ એક મશીનનો ઉમેરો થતા ફેક્ચર થયેલા દર્દીઓના ઓપરેશન સરળતાથી થવામાં મદદરૂપ થશે. આમ, ઉપર જણાવેલ સાધનોનો ઉમેરો જી.એમ.ઇ.આર.એસ. મેડિકલ કોલેજ હોસ્પિટલ વલસાડ ખાતે થતા હોસ્પિટલ ખાતે સારવાર અર્થે આવતા દર્દીઓને તેનો બહોળો લાભ મળશે.
આ પ્રસંગે SCHOTT POONAWALL, MUMBAI ના એમ.ડી. અને જી.એમ.ઇ.આર.એસ. મેડિકલ કોલેજ હોસ્પિટલ, વલસાડના તબીબી અધિક્ષક અને હોસ્પિટલ સ્ટાફ તેમજ સ્કોટ પુનાવાલાનો સ્ટાફ ઉપસ્થિત રહ્યો હતો.
Comments
Post a Comment