નવસારી જિલ્લામાં આરોગ્ય વિભાગની સઘન કામગીરી

નવસારી જિલ્લામાં આરોગ્ય વિભાગની સઘન કામગીરી

૫૧ મેડીકલ ઓફિસર, ૭૧૭ પેરા મેડીકલ સ્ટાફ દ્વારા આરોગ્યલક્ષી કામગીરી હાથ ધરાઇ: પાણીનું ક્લોરીનેશન,દવા વિતરણ તથા રોગચાળો ન ફેલાય તે માટે જનજાગૃતી માટે વિવિધ IEC એક્ટીવીટી કરાઇ - નવસારી,તા.૨૪: નવસારી જિલ્લામાં પુરઅસરગ્રસ્ત અને પાણી ભરાયેલ ઘરોવાળા વિસ્તારમાં લોકોનાં સ્થળાંતર અને આશ્રય સ્થાનો પર મેડીકલ ટીમ મુકવામાં આવી છે. જ્યા આરોગ્ય વિભાગની ટીમો દ્વારા લોકોના હેલ્થ ચેકઅપની કામગીરી હાથ ધરવામાં આવી છે. તથા તમામ આશ્રય સ્થાનોની મુલાકાત આરોગ્ય વિભાગનાં ઉચ્ચ અધિકારીશ્રીઓ દ્વારા કરવામાં આવી રહી છે. જે જગ્યા પર પાણી ઓસરી ગયા હોય તેવી જગ્યા પર આરોગ્ય વિવિધ ટીમો દ્વારા અલગ અલગ જગ્યા પર હાઉસ ટુ હાઉસ સર્વેલન્સ પણ હાથ ધરવામાં આવ્યુ છે. ટેબલેટ ક્લોરીન અને કેપ્સુલ દોક્ષીસાયક્લીન, આયોડીન મલમનું વિતરણ અને પાણીનું ક્લોરીનેશન કામગીરી તથા રોગચાળો ન ફેલાય તે માટે જનજાગૃતી માટે વિવિધ IEC એક્ટીવીટી કરવામાં આવી રહી છે. વિવિધ સ્થળોએ જરૂરી દવાઓનું વિતરણ કરવામાં આવ્યું છે. જિલ્લા મુખ્ય આરોગ્ય અધિકારીશ્રીના માર્ગદર્શન હેઠળ વિવિધ આરોગ્યની ટીમ બનાવી ૫૧ મેડીકલ ઓફિસર, ૭૧૭ પેરા મેડીકલ સ્ટાફ દ્વારા આરોગ્ય લક્ષી કામગીરી હાથ ધરવામાં આવી છે.

નવસારી જિલ્લામાં આરોગ્ય વિભાગની સઘન કામગીરી - ૫૧ મેડીકલ ઓફિસર, ૭૧૭ પેરા મેડીકલ સ્ટાફ દ્વારા આરોગ્યલક્ષી કામગીરી હાથ...

Posted by Info Navsari GoG on Thursday, July 25, 2024