પ્રાથમિક શાળા વાડાના મુખ્ય શિક્ષકને જિલ્લા પંચાયત નવસારીનું ઉત્કૃષ્ઠતા પ્રમાણપત્ર જિલ્લા પંચાયત નવસારી દ્વારા શિક્ષણ ક્ષેત્રે ઉત્કૃષ્ઠ કામગીરી બદલ પ્રાથમિક શાળા વાડા, તાલુકો નવસારીના મુખ્ય શિક્ષક શ્રી વિશાલસિંહ દૌલતભાઈ રાઠોડને વર્ષ ૨૦૨૫–૨૬ માટે ઉત્કૃષ્ઠતા પ્રમાણપત્રથી સન્માનિત કરવામાં આવ્યા છે. વર્ષ ૨૦૨૫–૨૬ દરમિયાન શ્રી રાઠોડે શિક્ષણ ક્ષેત્રે નિષ્ઠાપૂર્વક, ખંતપૂર્વક તથા નવીન અભિગમ સાથે કામગીરી કરી નવસારી જિલ્લાની શૈક્ષણિક પ્રગતિમાં નોંધપાત્ર યોગદાન આપ્યું છે. વિદ્યાર્થીઓના સર્વાંગી વિકાસ, શૈક્ષણિક ગુણવત્તામાં સુધારણા તેમજ વિવિધ શૈક્ષણિક અને સમાજોપયોગી કાર્યક્રમોના સફળ અમલમાં તેમનો ફાળો પ્રશંસનીય રહ્યો છે. આ ઉત્કૃષ્ઠ કામગીરી બદલ જિલ્લા પંચાયત નવસારીના જિલ્લા વિકાસ અધિકારી શ્રીમતી પુષ્પલતા મેડમના હસ્તે તેમને ઉત્કૃષ્ઠતા પ્રમાણપત્ર આપી સન્માનિત કરવામાં આવ્યા હતા. આ પ્રસંગે આવનારા સમયમાં પણ તેઓ આવી જ નિષ્ઠા, સમર્પણ અને ઉત્સાહ સાથે કાર્ય કરી સમાજ તથા શિક્ષણ ક્ષેત્રે સતત યોગદાન આપતા રહેશે તેવી શુભેચ્છા વ્યક્ત કરવામાં આવી હતી. આ પ્રસંગે નવસારી જિલ્લા પ્રાથમિક શિક્ષક સં...
નવસારી જિલ્લાના ઉમેદવારોને તાલુકા- જિલ્લાકક્ષા યુવા ઉત્સવમાં ભાગ લેવા જોગ :
તા.૧૦ ઓગષ્ટ સુધીમાં અરજી કરવાની રહેશે.
નવસારીઃ બુધવારઃ રમતગમત, યુવા અને સાંસ્કૃતિક પ્રવૃતિઓ વિભાગ, ગાંધીનગર તથા કમિશનરશ્રી, યુવક સેવા અને સાંસ્કૃતિક પ્રવૃતિઓની કચેરી, ગાંધીનગર દ્વારા આયોજીત તથા જિલ્લા યુવા અને સાંસ્કૃતિક પ્રવૃતિઓની કચેરી, નવસારી દ્વારા સંચાલિત તાલુકાકક્ષા/જિલ્લાકક્ષા યુવા ઉત્સવ ૨૦૨૪-૨૫ ના ફોર્મ ભરવાની છેલ્લી તા.૧૦/૦૮/૨૦૨૪ છે. આ સ્પર્ધામાં ૧૫ વર્ષથી ઉપર અને ૨૦ વર્ષ સુધીના વિભાગ “અ” (૩૧/૧૨/૨૦૦૪ થી ૩૧/૧૨/૨૦૦૯ વચ્ચે જન્મેલા),૨૦ વર્ષથી ઉપર અને ૨૯ વર્ષ સુધીના વિભાગ “બ” (૩૧/૧૨/૨૦૦૪ થી ૩૧/૧૨/૨૦૦૯ વચ્ચે જન્મેલા) તથા ૧૫ વર્ષથી ઉપરના અને ૨૯ વર્ષ સુધીના “ખુલ્લા” વિભાગમાં (૩૧/૧૨/૨૦૦૪ થી ૩૧/૧૨/૨૦૦૯ વચ્ચે જન્મેલા) ભાગ લઈ શકશે.
જે અંતર્ગત સાહિત્ય વિભાગમાં વકતૃત્વ સ્પર્ધા, નિબંધ સ્પર્ધા, પાદપૂર્તિ, ગઝલ શાયરી લેખન, કાવ્ય લેખન, દોહા છંદ ચોપાઈ, લોકવાર્તા, કલા વિભાગમાં: સર્જનાત્મક કારીગરી, ચિત્રકલા, સાંસ્કૃતિક વિભાગમાં લગ્નગીત, હળવું કંઠય સંગીત, લોકવાદ્ય સંગીત, ભજન, સમૂહગીત, એકપાત્રીય અભિનય યોજાશે.
આ ઉપરાંત રાષ્ટ્રકક્ષાની સ્પર્ધામાં ૧૮ કૃતિઓ જેવી કે, લોકનૃત્ય, લોકગીત, એકાંકી (હિન્દી/અંગ્રેજી), શાસ્ત્રીય કંઠ્ય સંગીત, કર્ણાટકી સંગીત, સિતાર, વાંસળી, તબલાં, વીણા, મૃદંગમ, હાર્મોનિયમ (હળવું), ગિટાર, શાસ્ત્રીય નૃત્ય – ભરતનાટયમ, શાસ્ત્રીય નૃત્ય – મણીપુરી, શાસ્ત્રીય નૃત્ય – ઓડિસી, શાસ્ત્રીય નૃત્ય – કથ્થક, શાસ્ત્રીય નૃત્ય – કુચીપુડી, શીધ્ર વકતૃત્વ (હિન્દી/અંગ્રેજી) યોજાશે.
વર્ષ: ૨૦૨૩-૨૪ દરમ્યાન રાષ્ટ્રકક્ષા યુવા ઉત્સવમાં દાખલ કરવામાં આવેલ કૃતિઓ જેવી કે લાઈફ સ્કિલ વિભાગમાં સ્ટોરી રાઈટીંગ, પોસ્ટર મેકીંગ, ડિક્લેમેશન અને ફોટોગ્રાફીની સ્પર્ધાઓ તથા યુવાક્રિતી વિભાગમાં હેન્ડી ક્રાફટ, ટેક્ષટાઈલ્સ અને એગ્રો પ્રોડક્ટના પ્રદર્શન યોજવાના જેવા આયોજન પણ ઓફલાઈન હાથ ધરવામાં આવશે. તાલુકાકક્ષાની સ્પર્ધાના પ્રથમ ક્રમ વિજેતા જિલ્લાકક્ષાએ અને જિલ્લાકક્ષાની સ્પર્ધામાં પ્રથમ વિજેતા ટુકડીઓ તથા વિજેતાઓ પ્રદેશકક્ષાએ ભાગ લેશે.
તાલુકાકક્ષા, જિલ્લાકક્ષા, પ્રદેશકક્ષા, રાજ્યકક્ષા અને રાષ્ટ્રકક્ષા સ્પર્ધાના સ્તર રહેશે. ઈચ્છુક ઉમેદવારોએ નિયત નમુનાનું ફોર્મ, આધરકાર્ડની નકલ સાથે રાખી તા. ૧૦/૦૮/૨૦૨૪ સુધીમાં કચેરી કામકાજના દિવસો દરમ્યાન જિલ્લા યુવા અને સાંસ્કૃતિક પ્રવૃતિઓની કચેરી, સી-બ્લોક, બીજો માળ, જિલ્લા સેવા સદન, જુનાથાણા, નવસારી – ૩૯૬૪૪૫ ખાતે જમા કરવાના રહેશે. સમયમર્યાદા બાદ તેમજ અધુરી વિગત વાળા ફોર્મ, માગ્યા મુજબના આધાર પુરાવા જોડ્યા વગરના ફોર્મ સ્વીકારવામાં આવશે નહિ. તેમ જિલ્લા યુવા વિકાસ અધિકારી, નવસારીની યાદીમાં જણાવાયું છે.
નવસારી જિલ્લાના ઉમેદવારોને તાલુકા- જિલ્લાકક્ષા યુવા ઉત્સવમાં ભાગ લેવા જોગ : તા.૧૦ ઓગષ્ટ સુધીમાં અરજી કરવાની રહેશે. ...
Posted by Info Navsari GoG on Thursday, July 25, 2024
Comments
Post a Comment